夢よ羽ばたけ 夢よ翔んでけ

    期中考彼禮拜，我心內的壓力真大，足驚會考無好。我四月二十號彼工足忝，因為我上班十二點鐘，轉到厝已經無氣力去讀冊矣，但是閣兩工就欲考英語，我一个字攏猶未看，心內足著急，毋知影欲按怎才好。隔轉工暗時我足緊看了一遍，毋過猶是無夠熟，尾仔我放棄矣，考bái就煞煞去。好佳哉老師真仁慈，無考傷困難，抑若無我就死甲真歹看。

    春假煞了後，阮全班欲去逐媽祖，透早就爬起來，所以我上車無外久就睏去矣！阮敢若是佇雲林落車，反正綴人行就著啦！信徒攏真熱情，一路上有足濟物件通食，免驚會枵著。行煞轉到厝已經真暗矣，隔轉工閣愛足早起來，想著就感覺真忝。一工的逐媽祖體驗，真濟人的腳攏會痠痛，毋過我完全無代誌，我想可能是我的腳的肉比阮班彼陣美女較濟的款，第一擺感覺腳雖然大支毋過嘛有好處。

    英文話劇總算佇拜一的英文課圓滿結束矣！我發現有一寡平常時較閉思的人，佇台頂演戲攏真敢演，實在予我足意外。因為是英語，所以我無法度深入共我的台詞內面所欲表達的感覺表現出來，真可惜，無彩我感覺家己嘛真guâ演戲。戲搬煞，我的腳嘛烏青矣，真苦憐。假跋倒結果變真的，兩爿腳頭窩攏烏青，毋知影當時會好。

    我感覺這禮拜實在有夠無閒，足濟代誌愛做。愛排練英文話劇，後禮拜一就愛驗收矣！我講英語真正袂輾轉，攏感覺會咬著喙舌ê款。毋過學任何語言攏仝款，愛較誠練習，我應該是因為驚人笑，所以攏毋敢講英語。唉！英語若是佮日語仝款好耍就好矣。

   地球的資源愈來愈少，這禮拜是慈青社推動「五省」中的省水週！這馬天氣愈來愈熱，台灣嘛咧欠水，若是有落雨就卡袂要緊，但是天公猶無愛予咱雨水，所以咱愛珍惜任何一滴水。進前我有揣資料，資料顯示：如果每一个人每一工省大約五十公升的水，一年來所省的水費差不多35億，相當一座翡翠水庫，實在真濟。欲省水，尚簡單的方法就是關水道頭，希望逐家做伙愛護咱生存的土地。

這个禮拜是開學第三週，這學期kah頂學期無仝款，作業變較儕。頂禮拜愛無閒社團ê代誌，我愛負責主持慈青社ê期初茶會，閣愛演戲，我挑戰用台語，毋過kan-tann有法度講一寡仔，但是我感覺我有進步啊，實在足歡喜！