夢よ羽ばたけ 夢よ翔んでけ

    二二八事件使台灣人活佇驚惶中，後來有一寡作家寫的作品攏是咧描寫彼當陣的狀況，親像陳芳明《父親1947》、陳黎《二月》等等。

【詩】二月．陳黎

槍聲在黃昏的鳥群中消失

失蹤的父親的鞋子

失蹤的兒子的鞋子

在每一碗清晨的粥裡走回來的腳步聲

在每一盆傍晚的洗臉水裡走回來的腳步聲

失蹤的母親的黑髮

失蹤的女兒的黑髮

在異族的統治下反抗異族

在祖國的懷抱裡被祖國強暴

芒草。薊花。曠野。吶喊

失蹤的秋天的日曆

失蹤的春天的日曆

失蹤的女兒的黑髮

在異族的統治下反抗異族

在祖國的懷抱裡被祖國強暴

芒草。薊花。曠野。吶喊

失蹤的秋天的日曆

失蹤的春天的日曆

　　　　　　　　　一九八九．一

    陳黎佇短短的十二行詩內面用六擺「失蹤」佮一擺「消失」這類的詞，除了暗示政治迫害的秘密追捕暗殺之外，嘛咧反映二二八事件史料到這馬猶閣無公佈予世間人知，人民猶閣予政府矇騙，就親像曆日的失蹤，這个事件佇有意的暗蓋事實之下，有一天嘛可能自人民的記憶中失蹤。

    看了這首詩，我煞毋知影我應該愛有啥物反應。台灣人總算對日本人的手頭中逃出來，結果換予國民政府迫害。毋管是查埔人猶是查某人，囡仔猶是老人，政府刣人烏白刣，敢講掌權的人因為家己的疑心病佮為著欲共權力固牢就會使按呢亂來？佇這內面看著台灣人悲哀的命運，心情真沉重。

    歷史使咱了解過去，使咱看見殘忍的事實。二二八事件後，悲劇繼續。1950年代到1960年代是白色恐怖的時代，彼時陣的台灣真烏暗，台灣人無人權，政治迫害的案件濟到會驚。「日頭赤炎炎，隨人顧性命。」這句諺語出現矣！佇彼个時代，台灣人毋知影家己的死期當時會來，有法度共家己顧好就袂bái矣，別人的代誌勿插傷濟。

李筱峰教授佮戴寶村教授有列出白色恐怖時代的政治案件類型：

第一，親近共產思想。

第二，參加獨立運動。譬如講陳智雄先生，伊真偉大，無予政府用條件收買，佇欲銃決進前，伊一點仔攏袂驚，喙內一直喝：「台灣人民萬歲，台灣獨立萬歲！」人稱呼伊是「台獨第一烈士」。

第三，對原住民領導者的迫害。政府以叛亂為理由，判湯守仁、高一生、林瑞昌死刑。

第四，對民主運動的壓制。1960年，雷震等人因為《自由中國》的言論佮組織「中國民主黨」，予人掠起來。

第五，政治權力鬥爭。

第六，特務單位之間的鬥爭。

第七，文字獄。詩人楊逵因為發表「和平宣言」，予人掠起來。

第八，為著獎金的假案佮冤案。

    遮爾濟款類型就看會出來政治迫害的案件足濟，誠恐怖。

    「我的人權之旅」這齣影片藉著去綠島tshit-thô的背景，小敏的阿母講真濟歷史予小敏聽。小敏其實真驚，佇耍覕相揣時叫是阿母無去，驚kah哭出來。彼个時代的恐怖干焦用聽的就予人驚kah咇咇掣矣！今仔日的自由自在是足濟受難者犧牲所換來的。

    現此時的台灣人對人攏無講蓋尊重，真正愛反省，看遮爾濟歷史資料就知影台灣的民主是真無容易得著的，過去的人辛辛苦苦爭取來的權利，咱應該好好珍惜。以前無人權的時代，台灣人過的日子我攏毋敢去想，毋過這馬有「世界人權宣言」保障，我感覺我活佇這馬真幸福。