夢よ羽ばたけ 夢よ翔んでけ

1.受訪者基本資料

第二次世界大戰尾期，日本軍隊募集台灣少年去日本海軍工場生產軍用飛行機，八千外名的少年就按呢離開故鄉，去一个毋知生死的所在。《綠的海平線》記錄台灣少年佇戰爭前後的人生，佇彼个時代內求生存的無奈等等。我佇紀錄片內面看著台灣的少年佇日本海軍工場受著日本軍人的欺負，心情無好會刁工揣台灣少年的麻煩，拍in出氣，台灣少年佇日本的生活實在真辛苦。後來總算生產出一台會當佮美國相比的飛行機，毋過日本已經無法度閣再戰落去矣，彼寡台灣少年就予人送轉台灣。

清朝時的台灣對國家其實無啥物觀念，因為皇帝離逐家傷遠，有時連皇帝是誰人攏毋知，所以會有一寡錯誤的民間故事抑是俗語出現，彼時陣的人民佮國家之間的關係是足疏遠的。1895年日本統治台灣，殖民體制之下予逐家產生國家就是咧管人、壓迫人的觀念，就有人起來欲反抗。1945年換國民政府來台灣，應該是佮台灣有血緣關係的政府煞對台灣人有偏見，佮日本時代仝款攏咧管人、壓迫人，毋是一个人民會當家己做主的國家。來台灣的國民政府一直想欲共大陸搶轉來，所以無共台灣當做是in的根。統治者對台灣的影響真大，予台灣人對家己是算啥物款人產生錯亂。